नेकपा गोरखाका पदाधिकारी तथा पालिका प्रमुखहरुद्वारा प्रचण्डसंग भेटघाट
नेपाली कम्युष्टि पार्टी(नेकपा) गोरखाका पदाधिकारी, गोरखा निवासी केन्द्रीय सदस्य तथा नेकपाद्वारा विभिन्न पालिकाको नेतृत्व गरेकाहरुद्वारा पार्टी अध्यक्ष पुष्पकमल दाहाल(प्रचण्ड)संग भेटघाट गरेका छन् ।
गोरखा निवासी पार्टीका गण्डकी प्रदेश कमिटीका सहइञ्चार्ज हरिराज अधिकारी, जिल्ला निवासी केन्द्रीय सदस्यहरु, गोरखा जिल्ला इञ्चार्ज अमर तमु, तथा पार्टी पदाधिकारी र नेकपाले नेतृत्व गरेका विभिन्न अजिरकोटबाहेक आठवटा पालिका प्रमुख, उपप्रमुखहरुले अध्यक्ष प्रचण्डसंग भेटघाट गरेका हुन् ।
भेटका क्रममा अध्यक्ष प्रचण्डले गत निर्वाचनमा पराजित भए पनि जनतासंग निरन्तर जोडिरहन निर्देशन दिएका जिल्ला इञ्चार्ज अमर तमुले जानकारी दिए । ‘गत निर्वाचनपछि हाम्रो भेट भएको थिएन । त्यसैले हामीले समय मिलाएर भेटेका हौँ’, उनले भने, ‘उहाँले भेटका क्रममा निर्वाचनमा हारजीत हुनु स्वभाविक हो । एकफेरको हारजीत नै अन्तिम होइन । फेरि जित्न सकिन्छ त्यसैले निरन्तर जनतामाझ जोडिरहनु पर्छ भन्नुभयो ।’
गोरखा यसअघि पनि आफूहरुको बाहुल्य भएको जिल्ला भएकाले विरासत जोगाउन आग्रह गरेका उनले बताए । त्यस्तै अब आउने निर्वाचनको परिणाम आफ्नो पक्षमा पार्ने गरी कसिलोसंग लाग्न पनि आग्रह गरेका उनले बताए ।
