जिल्ला प्रहरी कार्यालयमा ६० जनाको कोरोना परीक्षण, रिपोर्ट नेगेटिभ
स्वास्थ्यकर्मी, सुरक्षाकर्मी, कर्मचारी लगायत सर्वसाधारण सँग कामको शिलशिलामा धेरै सम्पर्कमा रहने क्षेत्रका ब्यक्तीहरुको कोरोना परीक्षण गर्ने क्रम गोरखामा पनि सुरु भएको छ । आज जिल्ला प्रहरी कार्यालय गोरखामा कार्यरत ५५ जना प्रहरी र जिल्ला न्यायाधिश, सरकारी वकिल सहित अन्य पाँच जना गरी ६० जनाको कोरोना परीक्षण गरिएको हो ।
कोरोना भए नभएको थाहा पाउन ¥यापिड डाईगोन्स्टिक टेस्ट किट मार्फत कोरोना परीक्षण गरिएको र रिपोट नन रियाक्टीभ आएको स्वास्यकर्मी बिरबहादुर श्रेष्ठले बताए । यस अघि गोरखा अस्पतालका स्वास्थ्यकर्मीको पनि परीक्षणमा रिपोर्ट नेगेटिभ आएको थियो ।
