बारपाक सुलीकोटमा प्रदेश सरकारको १० करोडको कार्यक्रम
अनुपमा खनाल
गण्डकी प्रदेश सरकारले आगामी आर्थिक बर्ष बारपाक सुलिकोट गाउँपालिकामा दश करोड रुपैयाँ बराबरको योजना तथा कार्यक्रम सञ्चालन गर्ने भएको छ ।
गत असार १ गते सार्वजनिक गरेको बजेट तथा कार्यक्रममा बारपाक सुलीकोट गाउँपालिकाभित्र सडक, खानेपानी, सिञ्चाई, भवन र पूल निर्माणका लागि प्रदेश सरकारले दश करोड रुपैयाँ बजेट विनियाजन गरेको हो ।
प्रदेशको बजेट पुस्तिका अनुसार घ्याम्पेसाल पाँचखुवा देउराली ताकुकोट सडकका लागि तिन करोड ५० लाख रुपैयाँ, चनौटे ताकुमाझ लाकुरीबोट पाल्खुसडक का लागि एक करोड रुपैयाँ र ढोडेनी सौरपानी ताकुकोट सडकका लागि ७५ लाख रुपैयाँ विनियोजन भएको छ ।
खानेपानीका नौ योजनाका लागि एक करोड ८९ लाख रुपैयाँ बजेट बिनियोजन भएको छ ।
जसअन्तरगत सुम्रेखोला हिम्चु पोखरी गाउँ खानेपानी आयोजना, बारपाक सुलिकोट ४ को झाक्री स्वाँरा खानेपानी आयोजना, कुलगाउँ खानेपानी आयोजना, बारपाक सुलिकोट ६ को मैलुङ खानेपानी आयोजना र देउरालीको पारिगाउँ खानेपानी आयोजनाका लागि २०÷२० लाख रुपैयाँ प्रदेश सरकारले विनियोजन गरेको छ ।
बारपाक सुलिकोट ८ को उल्टे खानेपानी आयोजना र साकोसे धारा खानेपानी आयोजनाका लागि २१÷२१ लाख रुपैयाँ छुट्याएको छ । बारपाक सुलिकोट ५ को तल्लो आरुखर्क खानेपानी आयोजनाका लागि २२ लाख रुपैयाँ र बाँकोटको धारापानी खानेपानी आयोजनाका लागि २५ लाख रुपैयाँ विनियोजन भएको छ ।
गण्डकी सरकारले बारपाक सुलिकोटमा तीनवटा सिञ्चाई योजना निर्माणका लागि एक करोड १० लाख रुपैयाँ विनियोजन गरेको छ । बाहुनबेसी बगरखेत सिञ्चाई योजनाका लागि ५० लाख रुपैयाँ, घुन्चोकटार सिञ्चाई योजनाका लागि ४० लाख रुपैयाँ र क्वउरा सिञ्चाई योजनाका लागि २० लाख रुपैयाँ विनियोजन गरिएको हो ।
प्रदेश सरकारे बारपाक सुलिकोट गाउँपालिका ३ स्वाँरामा इमर्जेन्सी सेल्टर निर्माणका लागि ९० लाख रुपैयाँ छुट्टाएको छ ।
यस्तै, जराङ खोला सडकमा पुल निर्माणका लागि ७५ लाख रुपैयाँ र दरौदी खोलामा झोलुङ्गे पूल निर्माणका लागि ११ लाख रुपैयाँ विनियोजन गरिएको प्रदेश सरकारको बजेट पुस्तिकामा उल्लेख छ ।
