| शनिबार, भदौ ७, २०७६

सामुदायिक विद्यालयमा पनि निजीकै जस्तै शुल्क

भारत चीनको सहयोगमा बन्ने भनिएका ११ विद्यालय पीडामा 

भूकम्पले भत्किएका चारसय ४४ वटा विद्यालयमध्य अहिलेसम्म दुईसय पाँच भन्दा धेरै विद्यालय निर्माण सम्पन्न भइसके । धेरैको स्रोत सुनिश्चित भइसके । केहीको अझै स्रोत जुटिसकेको छैन ।
स्रोत सुनिश्चित भनिएका विद्यालय पनि कतिपयको अझै काम सुरु भएको छैन । उनीहरुभन्दा ढिला सम्झौता भएका विद्यालयहरु धमाधम बनिसके, तर भारत र चीन सरकारले सम्झौता गरेका विद्यालयको निर्माण कार्य अझै सुरु भएको छैन । नयाँ शैक्षिक सत्र अब बैशाखबाट सुरु हुदैछ, तर ती विद्यालय भवन बन्ने नबन्ने निश्चित छैन । उनीहरुको साँटो अरु कसैले जिम्मेवारी लिएको भए काम आधाभन्दा धेरै निर्माण सम्पन्न भइसक्ने थियो ।
किन बन्न ढिला भयो ? सम्बन्धित विद्यालय तथा जिल्ला शिक्षा कार्यालयले सम्बन्धित देशका दूताबासमा बुझ्नु, फलो गर्नु, ताकेता गर्नु आबश्यक देखिन्छ ।
छिमेकी मुलुकले बनाउने भनेपछि अन्य देशको भन्दा भरपर्दो सहयोग होला भनेर अपेक्षा गरेका ती विद्यालयका नेतृत्व अहिले चिन्तामा छन् । न सम्झौता तोड्नु, न उनीहरुको प्रतिक्षा गर्नु दोधारमा परेका छन् । विद्यालयका प्रशासक, विद्यालय व्यबस्थापन समिति र जिल्ला शिक्षा कार्यालयका प्रतिनिधिमण्डलले राजदूताबासमा गएर भेटघाट गरी तिब्र निर्माणका लागि फलो गर्नु जरुरी छ । अन्यथा कहिलेदेखि निर्माण हुने हो अनिश्चित हुनेछ ।

प्रतिक्रिया दिनुहोस्